Die Bevolking en Gesondheid-navorsingsentiteit by die Noordwes-Universiteit (NWU) was op Woensdag 28 Augustus 2024 die gasheer vir ’n openbare lesing wat deur dr Jackson Sebola-Samanyanga, senior lektor in die Departement van Stads- en Streeksbeplanning aan die Universiteit van Pretoria, aangebied is. Die geleentheid is op die Mahikengkampus gehou en het ’n uiteenlopende gehoor gelok. Die doel was om die kwessie van grond aan te raak, wat steeds met soveel passie in Suid-Afrika bespreek word.

Jongman, jy laat die baan sing! Bradley Nkoana van die Noordwes-Universiteit (NWU) het weer eens op die internasionale verhoog sy staal gewys toe hy op Donderdag 29 Augustus by Wêreldatletiek se o.20-kampioenskap in Lima, Peru ’n bronsmedalje in die 100 m-wedloop losgehardloop het.

African Women in Business (AWiB) en Regenesys Business School het die kanselier van die Noordwes-Universiteit (NWU) op 24 Augustus in Sandton tydens die toekenningseremonie by die AWiB se heel eerste konferensie met hulle gesogte Outstanding Leadership Award vereer.

Dr Anna Mokgokong, wat in 2019 as die NWU se kanselier ingehuldig is, het hierdie spesiale toekenning ter erkenning van haar entrepreneurskapsreis ontvang.  

Die soeke na uitnemendheid sonder grense deur die Noordwes-Universiteit (NWU) het so pas op 23 Augustus ’n innoverende tegnologiese hupstoot gekry met die bekendstelling van sy virtuelewerklikheid-simulasielaboratorium by die Fakulteit Gesondheidswetenskappe.

Navorsing met ’n impak –  dit is waarvoor die Noordwes-Universiteit (NWU) bekend is. Die universiteit se navorsers skitter steeds nasionaal en internasionaal. Dit was weer eens duidelik by die onlangse toekennings van die Nasionale Navorsingstigting (NNS) van 2024, waar ’n jong NWU-navorser in die kategorie vir Vroeë Loopbaan/Opkomende Navorsers vereer is.  

Die Skool vir Farmasie het ’n baie moderne simulasiegerief op die Potchefstroomkampus van die Noordwes-Universiteit (NWU) bekend gestel.  

Met die Julie-statistiek sien ons steeds al hoe beter nuus op die inflasiefront, met ’n beduidende daling in die inflasiekoers vanaf die vlak in Junie.   

Die Noordwes-Universiteit (NWU) is steeds plaaslik en internasionaal onder die room van die oes. Die jongste ranglys van die ShanghaiRanking Consultancy plaas die NWU weer eens onder die topsewe Suid-Afrikaanse universiteite op sy 2024 Academic Ranking of World Universities (ARWU).  

Die nalatenskap en impak van voormalige president Nelson Mandela om mense se lewens ten goede te verander, is steeds iets om na te streef.

News24 het onlangs hulle Jong Mandelas vir 2024 gekies – en vier ’n nuwe geslag jong kampioene wat daartoe verbind is om die Suid-Afrika van Madiba se drome te bou.

Ian Thomson, ’n PhD-student en dosent in die Fakulteit Ingenieurswese van die Noordwes-Universiteit (NWU), is een van hierdie 30 buitengewone jongmense wat vir hulle merkwaardige prestasies gekies is.   Hy is as die wenner in die innovasiekategorie aangewys.

Die Tegnologie-oordrag en Innovasie-ondersteuningskantoor (TTIS-kantoor) by die Noordwes-Universiteit (NWU) het onlangs die eerste rondte van ’n innoverende inisiatief getiteld Koffieproffie aangebied. Dit is bedoel om samewerking en kreatiwiteit onder navorsers en innoveerders te kweek.