Ruan “Sampie” Swiegers, die voormalige kaptein van die 2023 FNB Varsitybeker-kampioene, die Noordwes-Universiteit (NWU) Eagles, neem ons op ’n herinneringsreis. “Soveel herinneringe kom na vore wanneer ek aan die sewe jaar dink wat ek aan die NWU gestudeer het. Ek ken elke hoekie van Potchefstroom – die goeie en die slegte,” sê Ruan. Benewens dat hy lekker op die lewendige Potchefstroomkampus rondgeloop het, of ’n braai saam met vriende by die koshuis geniet het, sê Ruan dat hy vir altyd sal onthou hoe hy die NWU op die rugbyveld verteenwoordig het.

Die Malawi University of Business and Applied Sciences (MUBAS) het sy University Innovation Pod (UniPod) op sy hoofkampus in Blantyre tydens ’n vrolike en opwindende geleentheid amptelik geopen. Die inhuldiging van UniPod is ’n groot tree vorentoe om, met die borgskap van die Verenigde Nasies se ontwikkelingsprogram (UNDP), innovasie en entrepreneurskap onder Malawiese studente en navorsers te bevorder. Die geleentheid is deur sy edele dr Lazarus McCarthy Chakwere, president van Malawi, bygewoon.

Die Skool vir Bedryfsielkunde en Mensehulpbronbestuur aan die Noordwes-Universiteit (NWU) het ’n werkswinkelwebinaar oor werksgereedheid vir derdejaar- en nagraadse studente (honneurs- en meestersgraad) regoor alle programme aangebied.

NWU-studente het op Dinsdag 12 Maart 2024 die jaarlikse werksgereedheid-werkswinkel op die Potchefstroomkampus bygewoon. Die webinaar se vernaamste doelwit was om die studente toe te rus met die nodige vaardighede en kennis wat hulle nodig het om ’n suksesvolle oorgang na die werksomgewing te maak.

Dit was ’n gebeurtenis om te onthou toe hooggeplaastes en gaste by die Noordwes-Universiteit (NWU) byeengekom het om twee dekades van sukses te vier. Die universiteit het nie net aandag geskenk aan die talle mylpale en prestasies sedert sy stigting nie, maar ook vir die gaste ’n blik op sy planne vir die toekoms gegee.

Curro is die toonaangewende onafhanklikeskoolnetwerk wat ’n reeks opsies bied vir ouers wat na ’n onafhanklike skool soek, en die Noordwes-Universiteit (NWU) het die voorreg gehad om die tweede Curro eSports Indaba aan te bied, wat van Donderdag 29 Februarie tot Saterdag 3 Maart 2024 gehou is.

Die konferensie is deur Curro eSports in vennootskap met Acer for Education georganiseer, en die NWU het die gebruik van die geriewe op die Potchefstroomkampus geborg, terwyl die African Cyber Gaming League (ACGL) die hoofdiensverskaffer vir die praktiese werkswinkels was.

Die NWU Eagles se haakplekkie teen die Shimlas ’n week gelede is op Maandag 11 Maart by die Fanie du Toit Sportterrein met ’n verkwikkende sakvol punte teen Wits opgevolg.

Die Eagles het Potchefstroom laat skitter met sewe drieë teen die besoekers van Johannesburg vir ’n dawerende 51-22-oorwinning om voorlopig die herinnering aan hulle 35-26-nederlaag in Bloemfontein uit te wis.

Die Noordwes-Universiteit (NWU) en die Onderwys- en Opleidingsowerheid vir die Staatsdiens (PSETA) het begin met gesprekke om ’n formele samewerking aan te gaan om vaardigheidsvermoëns binne die staatdienssektor uit te bou en aan albei partye se grondwetlike en statutêre verpligtinge te voldoen.

Afgevaardigdes van die NWU en die PSETA het op Donderdag 7 Maart op die Potchefstroomkampus byeengekom en hulle insigte en perspektiewe gedeel oor die wyses waarop hulle hulle vennootskap kan uitbou en doelstellings en doelwitte kan bereik wat tot albei se voordeel is.

Wat kry jy wanneer jy twee hoëronderwysentiteite, elkeen met sy eie missie van uitnemendheid, laat saamsmelt? Die resultaat is ’n universiteit van wêreldgehalte wat voortgaan om uit te blink, nie net onder die tersiêre-onderwysinstellings wat onder die room van die oes is nie – soos dit op die plaaslike en internasionale ranglyste gesien kan word – maar ook in sy prestasies op alle gebiede van die akademie en die studentelewe.

Die Noordwes-Universiteit (NWU) gaan ’n eredoktorsgraad toeken aan die Springbok-hoofafrigter en voormalige SA Rugby se Direkteur van Rugby, Johan “Rassie” Erasmus, wat Suid-Afrika gehelp het om die Rugby Wêreldbeker te wen. Die NWU Raad het die besluit tydens hulle gewone vergadering op Donderdag 16 November 2023 goedgekeur. Die versoek vir die toekenning van die graad Philosophiae Doctor (Honoris Causa) in Afrigtingkunde, is deur die NWU se Fakulteit Gesondheidswetenskappe ingedien.

Die Navorsingsondersteuningskantoor by die Noordwes-Universiteit (NWU) is een van slegs tien navorsingsondersteuningskantore in die Suider-Afrikaanse Ontwikkelingsgemeenskap (SAOG) wat ’n toekenning gekry het en gekies is om deel te neem aan die projek wat deur Bill en Melinda Gates-stigting befonds word.

Dit vorm deel van die inisiatief van die Suider-Afrikaanse Navorsing en Innovasiebestuursvereniging (SARIMA).