Die VSA se president Donald Trump se onttrekking aan die Paryse Klimaatsooreenkoms vroeër hierdie maand is met wêreldwye ontsteltenis begroet. Trouens, die Verenigde Nasies (VN) sowel as voormalige president Barack Obama, het die besluit as ’n groot terugslag beskryf.

Lede van die Noordwes-Universiteit (NWU) se kampus in Vanderbijlpark se afdeling van Enactus glimlag breed nadat daar aangekondig is dat hulle tot by die tweede rondte van die gewilde 2017 Harmony Plaaslike Ekonomiese Ontwikkeling-uitdaging gevorder het.

Kanovaarders van regoor die streek en lede van die Watuni-kanoklub, wat op die Noordwes-Universiteit (NWU) se kampus in Vanderbijlpark geleë is, het Saterdag ’n vaart onderneem ter herinnering aan wyle Gerhard Nel.

"As jy ooit iemand op ’n troontjie moet plaas – doen dit dan met onderwysers. Hulle is ons samelewing se helde." Hierdie woorde van ’n Amerikaanse skrywer, Guy Kawasaki, maak sin wanneer ’n mens dink aan onderwysers se taak wat uit soveel fasette bestaan. Dit word dan duidelik dat ’n onderwyser nie bloot iemand is wat onderrig gee nie.

Gabi Hendrich (37), ’n grafiese en binnenshuise ontwerper en die eienaar van Living Stones Talent Factory, beskryf haar besluit om ’n entrepreneur te word as ’n geleidelike roeping van God waarop sy ja gesê het. Dit is die storie van haar reis tot dusver.

’n Paar maande voordat sy in 2003 haar graad gekry het, het Gabi in die korporatiewe wêreld vir werk begin aansoek doen met die bedoeling om ’n loopbaan in óf grafiese ontwerp óf korporatiewe kommunikasie te bou. “God het egter ’n ander – die beste – plan vir my lewe gehad,” sê Gabi. Sy het vir ’n jaar Taiwan toe gegaan om Engels te onderrig. Hierdie ervaring het die verloop van haar lewe verander. “By hierdie lewendige, kreatiewe en ywerige nasie is die saadjie geplant sodat ek my eie besigheid kon begin.  Dit was egter eers sewe jaar en ’n groot geloofsprong later dat LSTF in 2011 gebore is.”

Dit was ’n trotse oomblik op die Noordwes-Universiteit (NWU) se kampus in Vanderbijlpark toe Taty Dekoke, ʼn dosent in Frans, sy PhD in linguistiek en literêre teorie ontvang tydens die herfsgradeplegtigheid wat onlangs op die kampus plaasgevind het.

’n Trotse Remilkun Iyabo Adeyemi het onlangs haar PhD in Engels tydens die onlangse herfsgradeplegtigheid op die Noordwes-Universiteit (NWU) se kampus in Vanderbijlpark ontvang.

Drie elfjarige kinders van Vanderbijlpark – Izabelle Bothma, Ewald Harmse en Wilmar Pretorius – het ’n robot ontwerp wat reddingspanne kan help om iemand te vind wat onder die sneeu toegeval is. Hulle vindingrykheid het vir hulle die innoveringstoekenning by die onlangse Robotika Wêreldkampioenskap gewen.

Lede van die Noordwes-Universiteit (NWU) se kampusgemeenskap in Vanderbijlpark word aangemoedig om nie-bederfbare produkte, toiletware, komberse en water te versamel ter ondersteuning van die slagoffers van die onlangse brandkrisis in die Tuinroete.

Tweedejaar-gemeenskapsverpleegkundestudente van die Noordwes-Universiteit (NWU) se kampus in Potchefstroom het onlangs weer na leerlinge van ES le Grange Skool uitgereik.