“Die produksies en pret van die afgelope week in Potchefstroom is die bewys dat Aardklop met mening terug is.”

Hierdie woorde van prof Daryl Balia, voorsitter van die Aardklop-direksie en die adjunk-visekanselier vir inligtingstegnologie en Potchefstroomkampusbedrywighede aan die Noordwes-Universiteit (NWU), word beaam deur Alexa Strachan, hoof- uitvoerende beampte van Momentum Beleggings Aardklop 2023 Nasionale Kunstefees, wat sê dat die fees ongetwyfeld die lewens verryk het van diegene wat dit bygewoon het.

Die Skool vir Owerheidstudies in die Fakulteit Geesteswetenskappe aan die Noordwes-Universiteit (NWU) het op Dinsdag 3 Oktober ’n openbare seminaar gehou.

Die primêre doel van die seminaar was om die gaping tussen die akademie en die praktyk te oorbrug, met ’n bepaalde klem op die rol van die Skool vir Owerheidstudies.

Gebeurtenisse van hierdie aard help die universiteit om met sy belanghebbers in die regering te skakel.

Namate die winter ons verlaat en die lente met sy sonskyn verwelkom word, het duisende “aanvallers” tot aksie oorgegaan om dié deel van die bevolking wat aan allergieë en hooikoors ly, te treiter.

deur Vukosi Mathale

In die dinamiese landskap van innovasie en entrepreneurskap kom studente sterk na vore met vars perspektiewe en met vindingryke idees om besighede mee te begin. Om vir kompetisies soos Leopards Lair® in te skryf, gee vir hierdie jong denkers vol aspirasies ’n plek waar hulle kan wys wat hulle kan doen.

Die ESKOM Wetenskapekspo is ’n streekskompetisie wat met trots deur die Noordwes-Universiteit (NWU) se Fakulteit Natuur- en Landbouwetenskappe en die Departement van Onderwys geborg word. Die Dr Kenneth Kaunda distriksmunisipaliteit was onlangs die gasheer vir hierdie jaar se gebeurtenis, wat in die Weet en Sweet-saal op die NWU se Potchefstroomkampus gehou is.

Hierdie jaarlikse gebeurtenis dien as platform vir jong wetenskaplikes van laer- en hoërskole om hulle innoverende navorsing op die gebied van wetenskap, tegnologie, ingenieurswese en wiskunde (STEM) aan te bied.

• Deur te verseker dat toeriste veilig voel – en veilig is – is een van die vernaamste redes vir Kaapstad en die Wes-Kaap se sukses as ʼn toerismebestemming.
• Dit sal ander stede en streke baat om Kaapstad en die Wes-Kaap se toersime-plan na te volg.
• Plaaslike regerings en toerisme-owerhede moet saam met die privaatsektor werk want ʼn florerende toerismesektor lei nie net tot werkskepping nie, maar het ook verskeie natuurbewaring-voordele.  

Veiligheid, ʼn daadwerklike samewerkingspoging tussen verskeie rolspelers, toeganklikheid, en nogmaals veiligheid.

Prof Aaron Tshidzumba, adjunkdekaan vir gemeenskapsbetrokkenheid, besigheidsontwikkeling en belanghebberverhoudinge in die Noordwes-Universiteit (NWU) se Fakulteit Geesteswetenskappe, het noemenswaardige bydraes op sy kundigheidsgebied en die groei van die universiteit gelewer.

As ’n medeprofessor onderrig hy uitsaaiwese, joernalistiek, en korporatiewe en ontwikkelingskommunikasie. Sy akademiese reis weerspieël sy passie vir die ondersoek van die fyn nuanses van taal, kultuur en kommunikasie.

Die Gemeenskaps- en belanghebberbetrokkenheidskantoor van die Studente-kampusraad (SKR) op die Potchefstroomkampus van die Noordwes-Universiteit (NWU) het onlangs sy jaarlikse Kaalvoetdag gehou.

Die doel van hierdie geleentheid is om klere en skoene aan verskillende projekte, skole, tehuise en niewinsgewende en nieregeringsorganisasies te skenk. 

In lyn met tradisie, pak studente hulle daaglikse roetine sonder skoene aan op Kaalvoetdag, en hierdie jaar het ʼn klere-resies en modeparade vir nog meer pret gesorg.

Die plasing van studente in gemeenskapsdiensposisies is ’n topprioriteit vir die pasgestigte Gemeenskapsbetrokkenheid-belanghebbersforum van die Noordwes-Universiteit (NWU).

“Ons is almal baie opgewonde oor die nuwe forum. Die doel is om wedersydse verhoudings met ons gemeenskappe te vorm en ’n databasis te ontwikkel van belanghebbers wat by die NWU betrokke is, veral met die doel om studente in gemeenskapdiensposisies te plaas,” sê Bibi Bouwman, direkteur vir volhoubaarheid en gemeenskapsimpak.

’n Onlangse studie wat deur dr Karabo Mohapanele, ’n PhD-gegradueerde in sosiologie van die Noordwes-Universiteit (NWU), uitgevoer is, werp die lig op die noodsaaklike rol van gesinne om kinders se gedrag te beïnvloed en hulle lewens te vorm, en hoe gesinsdinamiek en -struktuur ’n betekenisvolle rol in die voorkoms van straatkinders in Noordwes speel.