Mediese kundiges stem saam dat rook ’n gesondheidsgevaar is, maar talle rokers regverdig hierdie gewoonte deur te beklemtoon hoe kalmerend en sosiaal dit kan wees. Sommige rokers van plante soos dagga wys ook op die mediese voordele wat sommige studies getoon het.

’n Nuwe studie by die Noordwes-Universiteit (NWU) daag egter die rokers se persepsies en regverdigings uit deur te kyk na die moontlike nadelige effek wat die gewoonte op die doeltreffendheid van chroniese medikasie kan hê.

Die eet van varkvleisprodukte neem toe as gevolg van die bekostigbaarheid, veelsydigheid en hoë proteïeninhoud van die vleis.

’n Noordwes-Universiteit (NWU) navorsingsprojek van die Verbruikerswetenskappe-vakgroep in die Skool vir Toegepaste Gesondheidswetenskappe fokus op aanduidings rakende voedselprodukte (sensoriese en niesensoriese eienskappe) wat verbruikers se voedselkeuses beïnvloed. Prof Annchen Mielmann kyk nou ook na die aanduidings oor varkvleis omdat dit al hoe gewilder onder verbruikers raak.

’n Navorser van die Noordwes-Universiteit (NWU) het haar navorsing gewy aan die bevordering van perinatale geestesgesondheid in Afrika.

Dr Patience Kovane, senior lektor en navorsingskoördineerder by die navorsingsfokusarea vir Kwaliteit in Verpleging en Vroedvrousorg (NuMIQ) in die Fakulteit Gesondheidswetenskappe, sê haar missie is om die geestesgesondheid van vroue, veral diegene in ’n lae- en middelinkomste-opset, te bevorder.

Prof Leepile Alfred Sehularo se navorsing oor geestesgesondheid en middelmisbruik het uitgeloop op die ontwikkeling van ’n program wat ontwerp is om volwassenes sowel as leerders te ondersteun en fokus veral op die misbruik van onwettige middels in Noordwes.

’n Sportsigprogram kan visuele en motoriese vaardighede by jong netbalspelers beduidend verbeter. Dit is volgens die navorsingsbevindings van prof Dané Coetzee van die Skool vir Biokinetika, Rekreasie en Sportwetenskap aan die Noordwes-Universiteit (NWU) en haar navorsingsvennoot, dr Elna van der Merwe.

Hulle navorsingsartikel getiteld “An exploratory investigation of the effect of a sports vision programme on Grade 4 and 5 female netball players’ visual skills”, is in die International Journal of Environmental Research and Public Health gepubliseer.

Verbeterings in die ondersteuningstelsels vir psigiatriese verpleegkundiges in die Noordwesprovinsie sal ’n direkte impak op die gehalte van die sorg vir kinders met geestesgesondheidsprobleme hê.

Navorsers van regoor die fakulteite by die Noordwes-Universiteit (NWU) gaan voort om opwindende werk op hulle kundigheidsgebiede te doen.

Ons stel die werk van twee navorsers bekend - prof Muchativugwa Liberty Hove, adjunkdirekteur vir die Skool vir Tale in Onderwys, en dr Wihan Pheifer, senior dosent by die DSI/NWU Prekliniese Geneesmiddelontwikkelingsplatform (PKGOP).

Die Noordwes-Universiteit (NWU) is vasbeslote om in ooreenstemming met die Verenigde Nasies se Volhoubare Ontwikkelingsdoelwitte ’n deurslaggewende rol op die Afrika-vasteland te speel.

’n Uitstekende voorbeeld hiervan is die African Nutrition Leadership Programme (ANLP) van die Sentrum van Uitnemendheid in Voeding (CEN) by die NWU, wat reeds 22 jaar lank betekenisvolle bydraes lewer tot die bereiking van geen honger (doelwit 2), goeie gesondheid en welstand (doelwit 3), en gehalte-onderwys (doelwit 4).

Die soeke na uitnemendheid sonder grense deur die Noordwes-Universiteit (NWU) het so pas op 23 Augustus ’n innoverende tegnologiese hupstoot gekry met die bekendstelling van sy virtuelewerklikheid-simulasielaboratorium by die Fakulteit Gesondheidswetenskappe.

Die Skool vir Farmasie het ’n baie moderne simulasiegerief op die Potchefstroomkampus van die Noordwes-Universiteit (NWU) bekend gestel.