Die Noordwes-Universiteit (NWU) het homself weer as een van die land se voorste rekeningkunde-instellings onderskei toe die NWU se Skool vir Rekeningkunde en sy Bestuursrekenmeesterskapprogram drie gesogte professionele Chartered Global Management Accountant (CGMA) Professional Africa-toekennings ontvang het. Die toekennings word deur die American Institute for Certified Public Accountants (AICPA) en die Chartered Institute of Management Accountants (CIMA) onderskryf.

Meetingstraat 205, Charleston, Suid-Carolina 29401, Verenigde State. Hier, op die rand van die Atlantiese Oseaan, omring deur die vleie van die lae lande, is die plek wat nege BA Honneurs-studente in Toerismebestuur van die Mahikengkampus van die Noordwes-Universiteit (NWU) hulle tuiste gaan noem wanneer hulle op 21 November op die reis van ’n leeftyd vertrek.

Dit kom as geen verrassing nie wanneer ’n wêreldberoemde kundige in intelligensie en voorkennis soos prof Jonathan Calof van die Ottawa Universiteit in Kanada en buitengewone professor in die navorsingsfokusarea TRADE aan die Noordwes-Universiteit (NWU), nog ’n wêreldverhoog vind: China.

deur Vukosi Mathale

In die dinamiese landskap van innovasie en entrepreneurskap kom studente sterk na vore met vars perspektiewe en met vindingryke idees om besighede mee te begin. Om vir kompetisies soos Leopards Lair® in te skryf, gee vir hierdie jong denkers vol aspirasies ’n plek waar hulle kan wys wat hulle kan doen.

• Deur te verseker dat toeriste veilig voel – en veilig is – is een van die vernaamste redes vir Kaapstad en die Wes-Kaap se sukses as ʼn toerismebestemming.
• Dit sal ander stede en streke baat om Kaapstad en die Wes-Kaap se toersime-plan na te volg.
• Plaaslike regerings en toerisme-owerhede moet saam met die privaatsektor werk want ʼn florerende toerismesektor lei nie net tot werkskepping nie, maar het ook verskeie natuurbewaring-voordele.  

Veiligheid, ʼn daadwerklike samewerkingspoging tussen verskeie rolspelers, toeganklikheid, en nogmaals veiligheid.

Die fakulteite by die Noordwes-Universiteit (NWU) doen opwindende werk op die navorsingsfront.

Prof Moses Retselisitsoe Phooko is die direkteur van Professionele Ontwikkeling en Gemeenskapsbetrokkenheid in die Fakulteit Regte. Sy navorsing handel oor die Suider-Afrikaanse Ontwikkelingsgemeenskap (SAOG). Hy verduidelik meer oor wat sy navorsing behels.

Die beter-as-verwagte groei van 0,6% in die bruto binnelandse produk (BBP) in die tweede kwartaal van 2023 is welkome nuus, aangesien dit sy styging vir ’n tweede agtereenvolgende tydperk verhoog het.

Prof Raymond Parsons, ekonoom van die Noordwes-Universiteit (NWU) se Besigheidskool, sê dit demonstreer ’n noemenswaardige graad van veerkragtigheid in die ekonomie. Dit was hoofsaaklik die gevolg van matiger Eskom-kragonderbrekings in Junie vergeleke met April en Mei, saam met ander versagtende faktore wat gehelp het om beter groeisyfers te genereer.

As daar nie goeie oorsig is nie, ly uitsette daaronder. Sonder deursigtigheid floreer bedrog. Waninligting en waninterpretasie word gepropageer om die norm te raak namate fiksie nie meer van feite onderskei kan word nie. In ’n ontwikkelende land soos Suid-Afrika wat ’n magdom uitdagings in die gesig staar, kan dit nie toegelaat word nie.

Goeie ekonomiese nuus is dat die verbruikersprysindeks (VPI) (wesensinflasie) vir Julie weer eens ’n welkome dalingstendens getoon het deur vanaf 5,4% in Junie na 4,7% te daal.  

Prof Raymond Parsons, ekonoom van die Noordwes-Universiteit (NWU), sê dit is nie net ’n tweejaarlaagtepunt vir die VPI nie, maar is ook heelwat beter as die markverwagtings.

“Kerninflasie het verder vanaf 5,0% tot ’n tienmaande-laagtepunt van 4,7% afgeplat. Die vooruitsigte ten opsigte van inflasie in Suid-Afrika lyk belowend.”

Die Covid-19-pandemie het ’n onuitwisbare letsel op die Suid-Afrikaanse toerismesektor gelaat, en hoewel kosmetiese opknapping ’n bietjie van die vorige prag herstel het, is omvattende ingryping steeds nodig om dit tot sy vorige glorie te herstel.