Prof Alistair Mokoena, Google Suid-Afrika se direkteur vir ons land, het beloof om vanaf 2024 elke jaar R50 000 aan die Noordwes-Universiteit (NWU) te skenk. Volgens prof Mokoena sal die bedrag van die befondsing in die Dr Alistair Mokoena Education Fund belê word en gebruik word om enige student wat finansiële hulp nodig het, te ondersteun.

Prof Mokoena glo dat ’n bydrae vir die bevordering van kennis en innovasie kan help om die opvoedkundige ervaring van studente te verryk – tot buite die klaskameromgewing.

Die nagraadse studente (honneurs- en meestersgraad) van die Sentrum vir Bedryfswiskunde en Informatika (SBWI) is op Vrydag 8 Maart 2024 op ’n transformatiewe werkswinkel oor emosionele intelligensie getrakteer. Die werkswinkel is deel van ’n reeks geleenthede wat deur ABSA aangebied word om die Noordwes-Universiteit (NWU) te help om studente vir die werksomgewing voor te berei.

Prof Lebo Gafane-Matemane, medeprofessor in Fisiologie en voorstander van gemeenskapsbetrokkenheid by die Hipertensie in Afrika Navorsingspan (HART) in die Fakulteit Gesondheidswetenskappe, is as die nuwe voorsitter van die Internasionale Vereniging vir Hipertensie (ISH) se Mentorskap- en Opleiding-komitee (MTC) aangestel.

Op die hoek van Ds Abrey Beukes-rylaan en Jan de Klerk-weg in die buurt Oosterville pronk die woorde: “Volhard en Oorwin”. Dít is die leuse wat leerders van Hoërskool Duineveld in die snikhete Upington daagliks sien. Dít is wat die Noordwes-Universiteit (NWU) se Sanmarie Visser daagliks op die netbalbaan doen.

• Mikronutriënttekorte is baie algemeen in Afrika en is een van die belangrikste faktore wat geassosieer word met groeivertraging, swak immuunfunksie en kindersterftes.
• ʼn Nuwe meestersgraadprogram in Voeding met Kerntegnieke sal help om wanvoeding in Afrika te bekamp.
• Rolspelers van regoor die vasteland werk saam om beter voeding vir alle Afrikane te verseker.

ʼn Nuwe Afrika-brulpadda-spesie is in die noordooste van Namibië, die suide van Angola, die suidweste van Zambië en die noordweste van Botswana ontdek.

Dit is die grootste paddaspesie wat in meer as 100 jaar ontdek is.

Die grootste eksemplaar wat al gevind is, is 210 millimeter lank en weeg ʼn allemintige 1 kilogram.

Die Malawi University of Business and Applied Sciences (MUBAS) het sy University Innovation Pod (UniPod) op sy hoofkampus in Blantyre tydens ’n vrolike en opwindende geleentheid amptelik geopen. Die inhuldiging van UniPod is ’n groot tree vorentoe om, met die borgskap van die Verenigde Nasies se ontwikkelingsprogram (UNDP), innovasie en entrepreneurskap onder Malawiese studente en navorsers te bevorder. Die geleentheid is deur sy edele dr Lazarus McCarthy Chakwere, president van Malawi, bygewoon.

Die Skool vir Bedryfsielkunde en Mensehulpbronbestuur aan die Noordwes-Universiteit (NWU) het ’n werkswinkelwebinaar oor werksgereedheid vir derdejaar- en nagraadse studente (honneurs- en meestersgraad) regoor alle programme aangebied.

NWU-studente het op Dinsdag 12 Maart 2024 die jaarlikse werksgereedheid-werkswinkel op die Potchefstroomkampus bygewoon. Die webinaar se vernaamste doelwit was om die studente toe te rus met die nodige vaardighede en kennis wat hulle nodig het om ’n suksesvolle oorgang na die werksomgewing te maak.

Dit was ’n gebeurtenis om te onthou toe hooggeplaastes en gaste by die Noordwes-Universiteit (NWU) byeengekom het om twee dekades van sukses te vier. Die universiteit het nie net aandag geskenk aan die talle mylpale en prestasies sedert sy stigting nie, maar ook vir die gaste ’n blik op sy planne vir die toekoms gegee.

Curro is die toonaangewende onafhanklikeskoolnetwerk wat ’n reeks opsies bied vir ouers wat na ’n onafhanklike skool soek, en die Noordwes-Universiteit (NWU) het die voorreg gehad om die tweede Curro eSports Indaba aan te bied, wat van Donderdag 29 Februarie tot Saterdag 3 Maart 2024 gehou is.

Die konferensie is deur Curro eSports in vennootskap met Acer for Education georganiseer, en die NWU het die gebruik van die geriewe op die Potchefstroomkampus geborg, terwyl die African Cyber Gaming League (ACGL) die hoofdiensverskaffer vir die praktiese werkswinkels was.