Jy het albei hande hiervoor nodig. Tien – tel hulle – tien Noordwes-Universiteit (NWU) Eagles van die NWU se atletiekklub is ingesluit by die Suid-Afrikaanse span wat gaan deelneem aan die CAA Afrika Kampioenskap wat van 8 tot 12 Junie in Mauritius gehou gaan word.

 Dit is benewens die langafstandhardloper Elroy Gelant, wat ’n personeellid van die NWU is, maar nie ’n lid van die atletiekklub nie.

In totaal gaan 89 Suid-Afrikaanse atlete in aksie wees op die eiland in die Indiese Oseaan, wat die grootste groep van die Republiek tot op hede is.  

Vyftien maande gelede het die ondenkbare plaasgevind. In ’n insident van sulke boosaardigheid, sulke disrespek en wreedheid is Carla Mӧller se lewe onherroeplik verander.    

Sy is verkrag, maar as gevolg van die niegewelddadige aard van die insident, is sy afgeraai om ’n formele klag te lê. Volgens haar is sy nie toegelaat dat haar saak deur wetstoepassers aangehoor word nie – hulle het geweier om te luister en geregtigheid kon nie geskied nie.

Ons wil graag vir die Minister van Grond- en Watersake van die Republiek van Botswana, dr Kefentse C Mzwinila, gelukwens met sy PhD-graad wat hy op 25 Mei 2022 aan die NWU Besigheidskool verwerf het.                                               

Dr Mzwinila het met ’n BA-graad in Ekonomie en Besigheidsadministrasie, en ’n BSc-graad in Sielkunde aan die Lafayette Kollege in die Verenigde State van Amerika gegradueer.

Dit was ’n jaar waarin hoogtepunt op hoogtepunt gevolg het en waar een eer op ’n ander gevolg het. Christa Ramasimong ervaar ’n tyd wat nie net haar toekoms sal bepaal nie, maar ook wie sy regtig is. Die karakter van hierdie jong vrou word gesmee in ’n vuur wat aangewakker word deur haar vasberadenheid om sukses te behaal.

Die Noordwes-Universiteit (NWU) is trots daarop om ’n waardegedrewe instelling te wees en is tans besig met ’n veldtog om die waardes wat as riglyne dien vir personeel, studente en ander belanghebbers, weer bekend te stel.

Die veldtog het in Maart 2022 afgeskop met ’n kookkompetisie vir die Universiteitsbestuurskomitee (UBK) en ’n amptelike bekendstelling in die vorm van ’n gala-aand.

Die proses wat tot hierdie amptelike bekendstelling gelei het, het egter ’n rukkie gelede al begin, en ’n klomp harde werk is al gedoen om hierdie punt te bereik.

Die besluit deur die Monetêrebeleidskomitee (MBK) om die repokoers met nóg 50 basispunte te verhoog, is oor die algemeen deur markte en ontleders verwag.

Prof Raymond Parsons, ekonoom van die Besigheidskool van die Noordwes-Universiteit (NWU), sê die MBK het die verwagte besluit met ’n stemming van 4 tot 1 geneem.

Atlete van die Noordwes-Universiteit (NWU) – voormalige sowel as huidige atlete – was op hulle allerbeste by Atletiek Suid-Afrika se senior baan- en veldkampioenskap wat onlangs in Groenpunt, Kaapstad gehou is.

Hulle het ’n totaal van sestien medaljes in ’n verskeidenheid kodes gewen.

Spiesgooiers Johann Grobler en Jo-Ané van Dyk het albei goud verwerf, en so ook die stappers Marissa Swanepoel en Wayne Snyman in die 20 km-stapwedloop. Valco van Wyk het die hoogste van almal gespring in die paalspring.

Die waarnemende visekanselier van die Noordwes-Universiteit (NWU), prof Linda du Plessis, stel sonder twyfel ’n voorbeeld nadat sy haar tweede doktorsgraad in 2020 ontvang het. Sy is ook deur twee internasionale akademiese instellings en verenigings vir die gehalte van haar studie geloof.

Hulle senior eweknieë het dalk die Varsitybekerkompetisie ’n bietjie vroeg verlaat, maar die NWU Eagles Young Guns was gereed om tot die einde toe te bly staan toe hulle Tuks op Maandag 25 April in Stellenbosch gepak het. Dit was hulle egter nie beskore nie. Die span van Pretoria – wat net gedoen het wat die Pretorianers die afgelope jaar in elke denkbare rugbykompetisie in Suid-Afrika gedoen het – het die Eagles Young Guns met 22–14 geklop.  

Dit was nie die droomfinaal waarop die outjies gehoop het nie, maar die pad na die eindstryd was iets om te onthou.  

Dit was liefde met die eerste oogopslag. Seun ontmoet kampus. In 2019 besoek Franco van Dijk die Noordwes-Universiteit (NWU) se kampus in Potchefstroom as deel van ’n toer van sy skoolkoor.

“Ons het baie van die kampus te sien gekry – dit het amper soos ’n opedag gevoel. Ek het regtig baie gehou van wat ek sien en besluit dit was waarheen ek wou gaan,” sê Franco, wat aan die Ligbron Akademie van Tegnologie gematrikuleer het.  

Franco, wat in Bethal, Mpumalanga gebore is, word in Mei 19 en is ingeskryf vir sy eerste jaar van ’n graad in Elektromeganiese Ingenieurswese.