Die Noordwes-Universiteit (NWU) verwelkom hierdie maand ons eerstejaars en terugkerende studente op ons kampusse. Hoewel verskeie forums in plek is om studenteveiligheid te verbeter, veral dié van vroulike studente, gaan voortslepende beurtkrag waarskynlik ’n omgewing skep wat kan veroorsaak dat misdaad gedy.

Ons is gelukkig dat wyle prof Marilyn Setlalentoa – die NWU se vorige adjunk-visekanselier vir Gemeenskapsbetrokkenheid en Mahikengkampusbedrywighede – passievol daaroor was om misdaadkwessies wat studente en hulle veiligheid by hierdie universiteit raak, te hanteer.

Leané Naudé, ’n MSc-student in Ingenieurswese aan die Noordwes-Universiteit (NWU), pak in Mei haar tasse vir Amsterdam om Suid-Afrika by die finale rondte van die wêreldwye Blue Sky- wetenskapkompetisie te verteenwoordig.

Sy het hierdie eer verdien deur tweede te kom in verlede jaar se nasionale kompetisie vir die Blue Sky-toekennings, ’n tweejaarlikse kompetisie wat erkenning gee aan die werk van studente en jong navorsers in bosgebaseerde wetenskaplike produkontwikkeling.

Die 2023-staatsrede (SONA), wat op 9 Februarie deur president Cyril Ramaphosa in die parlement gelewer is, het ’n omvattende, openhartige en realistiese evaluering van Suid-Afrika se huidige moeilike en uitdagende ekonomiese landskap gegee.

Die Noordwes-Universiteit (NWU) Besigheidskool het op Vrydag 3 Februarie sy Somerstudieskool vir MBA-studente afgesluit. In die geheel gesien, was die week ’n reusesukses, met studente wat getuig van die geweldige waarde ten opsigte van netwerking, insette deur die hoofredes en ’n beter begrip van wat hulle hierdie jaar die program van op hulle wag.

Studente van die Skool vir Rekeningkundige Wetenskappe aan die Noordwes-Universiteit (NWU) het weer eens getoon waarom die skool sowel as sy studente so hoog aangeskryf word toe hulle ’n verstommende 85%-slaagsyfer in die bestuursgevallestudie-eksamen van die Chartered Institute of Management Accountants (CIMA) behaal het. Dit is ’n wêreldwye eksamen met ’n gemiddelde slaagsyfer van 69%. Selfs meer indrukwekkend is dat 67% meer studente as die vorige jaar die eksamen aangedurf het.

Een van die grootste uitdagings vir leiers in die huidige toenemend aanlyn besigheidswêreld is hoe om hulle werk as bestuurders uit te voer. In die verlede was dit vir leiers makliker om ’n kultuur van vertroue en integriteit te bevorder, omdat hulle geweet het wat elkeen besig was om te doen en hulle kon sien wanneer iemand nie in ooreenstemming met hulle etiese oortuigings optree nie.

Hoe lank sal krieket nog as die “Gentleman’s Game” bekendstaan, of is daardie bynaam reeds iets van die verlede? Vrouekrieket het hand oor hand toegeneem en hierdie tendens het in 2023 voortgegaan met die IKK se Onder-19 Krieket Wêreldbeker vir Vroue.

Die gebeurtenis is in Suid-Afrika aangebied en het op drie plekke plaasgevind, naamlik by die Noordwes-Universiteit Oval (NWU Oval) en die JB Marks Oval – albei in Potchefstroom – asook by Willowmore Park in Benoni.

Dit is nou algemene kennis. Ná groot afwagting is bekendgemaak dat dr Joseph Sekhampu die nuwe hoofdirekteur van die Besigheidskool by die Noordwes-Universiteit (NWU) is. Maar wie is Joseph Sekhampu, en wat is sy visie vir die skool en vir die lewe in die algemeen? Wie is die man in beheer en hoe funksioneer hy ten opsigte van sy werk, die lewe en sy drome?

Dit is ʼn snikhete Donderdagmiddag met die kwik wat so hoog styg soos beurtkraggemoedere. Die Rugbyinstituut van die Noordwes-Universiteit (NWU) se spankamer, aikona, oorlogkamer, is egter koel. ʼn Tafelgrootte replika van ʼn rugbyveld begroet jou as jy instap, asook Burger van der Westhuizen, die NWU Eagles se nuwe Varsitybeker-afrigter.

“Soos te wagte het die Monetêrebeleidskomitee (MBK) van die Suid-Afrikaanse Reserwebank (SARB) voortgegaan met sy siklus van rentekoersverhogings, met ’n styging van 25 basispunte (bsp) in plaas van die hoër opsie van 50 bsp wat ook wyd bepleit is.”

Volgens prof Raymond Parsons, ekonoom van die Noordwes-Universiteit (NWU) se Besigheidskool, is dit in die huidige spanningsvolle ekonomiese omstandighede die regte besluit.