In William Shakespeare se toneelstuk Romeo en Juliet vra Juliet die eeue oue vraag: “What’s in a name?” In die geval van die Noordwes-Universiteit (NWU) se navorser prof Nico Smit is die antwoord duidelik – sy naam is sinoniem met kundige bydraes op die gebied van dierkunde.

Hierdie gevierde akademikus en parasitoloog-taksonoom volg in die voetspore van gerespekteerde mense soos die bioloog en skrywer sir David Attenborough en die voormalige president van die Verenigde State Barack Obama. Net soos hulle kan prof Smit ook spog dat lewende spesies na hom vernoem is.

Dit is ’n slaagpunt. Dit is die gevolgtrekking van ’n paneel kundiges wat deur die Noordwes-Universiteit (NWU) se Besigheidskool ontvang is en gevra is of die 2022 Mediumtermynbegroting-beleidsverklaring (MTBBV) ’n “druip-” of “slaagsyfer” moet ontvang.

Die Minister van Finansies, Enoch Godongwana, het op Woensdag 26 Oktober die MTBBV gelewer en het oor die algemeen gunstige reaksie ontlok.

Die droom van die Noordwes-Universiteit (NWU) om ’n internasionaal erkende universiteit te wees, het onlangs ’n hupstoot gekry deur die aanstelling van sy hoof en visekanselier as adjunkprofessor by een van die topuniversiteite in die Verenigde State van Amerika.

Rekenaars word al hoe noodsaakliker in die moderne samelewing, met ’n geweldige invloed oor hoe mense probleme skep en oplos. Die Noordwes-Universiteit (NWU) se Intelligente Stelsels-navorsingsgroep se missie is om volgendegeslagoplossings te ontwikkel wat sal help om vervoerprobleme met behulp van tegnologie op te los.

Navorsers by die Noordwes-Universiteit (NWU) werk gereeld in gemeenskappe om lewens te verbeter en oplossings vir dringende kwessies te vind. In die stryd teen borskanker het ’n hospitaal in Potchefstroom die kundigheid van die navorsingseenheid Medisyneverbruik in Suid-Afrika (MUSA) in die Fakulteit Gesondheidswetenskappe ingeroep.

Die koms van sosiale media het ’n baie groot uitwerking op onderrig en leer gehad, maar baie min is bekend oor die voor- en nadele van die gebruik van sosiale media in die klaskamer.

So sê dr Thamie Ndlovu, ʼn opvoedkundige tegnoloog by die Noordwes-Universiteit (NWU), wie se PhD-studie die gebruik van sosiale media as instrument vir onderrig en leer in hoër onderwys ondersoek het.

Prof Alfred Brunsdon van die Noordwes-Universiteit (NWU) se Fakulteit Teologie het onlangs ’n C2-gradering van die Nasionale Navorsingstigting ontvang. Wat hierdie erkenning noemenswaardig maak, is die nisarea van sy navorsing, wat die teenstrydighede tussen akademiese inhoud en die kulturele kontekste van teologiestudente uit Afrika uitlig.

Meer as 100 000 mense in Suid-Afrika begin om die vullissmoussektor as bron van werk te gebruik. Dit is volgens Nonhlanhla Ngcobo, ’n PhD-student en navorser by die Suid-Afrikaanse navorsingsleerstoel in stede, die reg en omgewingsvolhoubaarheid (Cities, Law and Environmental Sustainability) by die Fakulteit Regte op die Noordwes-Universiteit (NWU) se Potchefstroomkampus.

“Die stadige ekonomiese groeikoers in Suid-Afrika bring nie hoop vir die 31% van die bevolking wat tans werkloos is nie, veral nie vir diegene met ’n baie lae opvoedingspeil en min vaardighede nie,” sê sy.

Een van die uitdagendste bekommernisse van die 21ste eeu is die beskerming van voedselsekerheid vir die wêreld se bevolking wat eksponensieel toeneem, soos dit in doelwit 2 van die Verenigde Nasies se volhoubare ontwikkelingsdoelwitte (VOD’s) gestipuleer word. Volgens projeksies gaan die wêreldwye vraag na voedsel teen 2050 met tussen 60% en 98% styg, met die bevolking wat meer as 9 biljoen sal wees.

Suid-Afrika se varswaterbronne is onder druk van verskillende soorte besoedelstowwe, en die Noordwes-Universiteit (NWU) se navorsers soek na maniere om met die meer ontwykende besoedelstowwe tred te hou.

Prof Rialet Pieters, 'n navorser by die Eenheid vir Omgewingswetenskappe en -bestuur, is 'n ekotoksikoloog wie se belangstelling lê in organiese chemiese besoedelstowwe en die skadelike gevolge wat dit vir die mens en die natuurlewe inhou.