As jou knieë lam word as jy daaraan dink dat jy 10 km moet stap, dink net hoe jou arms sal kla as jy daardie afstand moet swem.

Vir Rachael Humphries is dit maar net nog ’n dag in haar waterkantoor. Trouens, hierdie BA-student in Gesondheidswetenskappe aan die Noordwes-Universiteit (NWU), wat in Randburg gebore is en aan The King’s School Robin Hills gematrikuleer het, floreer op uitdagings soos hierdie.

Klimaatsverandering, toegang tot tegnologie, energie en sosio-ekonomiese struikelblokke is maar net ’n paar van die kritieke uitdagings wat die mensdom tans in die gesig staar. Afgevaardigdes van die BRICS*-nasies het persoonlik en virtueel by die 2023-seminaar van die BRICS Network-universiteit opgedaag om vennootskappe te vestig en deur samewerking en die deel van kundigheid oplossings vir gedeelde probleme te kry.

Dit is nou 148 jaar gelede sedert die Fransman Pierre Babolat natuurlike derms – dié van ’n bees – geneem het om snare vir ’n tennisraket te maak. Nou gebruik die topgekeurde manlike tennisspeler by die Noordwes-Universiteit (NWU) sy Babolet Pure Drive-raket om sy opponente op tennisbane regoor die land rond te jaag.

Trouens, die 20-jarige Johann Coetzee, wat Besigheidsbestuur aan die NWU studeer, het vier van hierdie wapens tot sy beskikking om sy aanvalle te loods: “My gunstelinghoue is my afslaan en my voorhandhou,” verduidelik hy vrolik.

Prof Raymond Parsons het tydens die vierde Pitso vir 2023 die Beleidsonsekerheidsindeks van die NWU Besigheidskool vir die tweede kwartaal bespreek. Dit het ’n insiggewende bespreking oor die implikasies daarvan vir die ekonomie aan die gang gesit. Die kundiges het na die huidige stand van die indeks gekyk en die potensiële oplossings ondersoek vir die heersende krisisse wat broodnodige ekonomiese groei verhinder.

Leerders van die StudyXpress Hoërskool in Potchefstroom het die geleentheid gekry om self te sien watter tipes besoedeling en drywers van klimaatsverandering in hul omgewing aangetref word. Die groep leerders en ’n wetenskaponderwyser het onlangs die Noordwes-Universiteit (NWU) se Welgegund atmosferiese metingstasie vir ’n veldlesing oor luggehalte en klimaatsverandering in ’n werklike omgewing en met werklike metings besoek.

In ’n 4IR-wêreld maak die Noordwes-Universiteit (NWU) seker dat leerders by agtergeblewe skole nie agterbly nie, en dat hulle die gereedskap en kennis het om aan die uitdagings van die immerveranderende werksomgewing te voldoen.

Daarmee in gedagte het die Fakulteit Opvoedkunde op die NWU se Mahikengkampus ’n gemeenskapsprojek geïnisieer, naamlik “’n Diensleerprojek vir skole se opvoedkundige integrasie van IKT’s” (“A service-learning project for schools’ pedagogical integration of ICTs”).

In ’n tyd waar voedselonsekerheid ’n dwingende bekommernis is, bied gemeenskapstuine ’n praktiese oplossing deur toegang tot vars, voedsame kos te verhoog. Hierdie tuine bemagtig individue en gemeenskappe om beheer van hulle voedselproduksie te neem, en om die afhanklikheid te verminder van duur en dikwels ongesonde voedselalternatiewe wat by die winkel gekoop word. 

Dit alles word by die tema van Nelson Mandela-dag van 2023 ingesluit, wat rondom voedsel en voeding sentreer, en almal aanmoedig om “te doen wat julle kan met wat julle het, waar julle ook al is”.

Dit lyk of LEGO®-blokkies in die klaskamer net so onweerstaanbaar is vir leerders as vir voordiensonderwysers, wat ontdek dat speel en leer op die ou end nie so veel van mekaar verskil nie.

Navorsers by die Fakulteit Opvoedkunde aan die Noordwes-Universiteit (NWU) gebruik hierdie helderkleurige plastiekblokkies vir die praktiese komponent van opleidingsprogramme vir voordiensonderwysers. Hulle hoop om ’n verandering en ’n vordering in onderrigmetodes teweeg te bring – by die universiteit se studente en ook regoor die breër gemeenskap.

Het jy al ooit oor die betekenis van ’n monument langs die pad gewonder? Dalk het jy al in ’n dorp stilgehou wanneer jy op reis is en gewonder waar die dorp se besienswaardighede is. Reisigers het vroeër reisgidse en kaarte gebruik, maar daardie tyd is verby, danksy apps soos Road Trip SA.

Die Suid-Afrikaanse maatskappy Value Apps Edms Bpk het met Emile Coetzee, Suider-Afrika geskiedkundige van die Noordwes-Universiteit (NWU), saamgewerk om hierdie app te ontwikkel om reisigers te help om die fassinerende en geheimsinnige plekke van belang regdeur Suider-Afrika te verken.

Die wêreld van kernwetenskap is vol moontlikhede en die Sentrum vir Toegepaste Stralingswetenskap- en tegnologie (CARST) op die Mahikengkampus van die Noordwes-Universiteit (NWU) doen sy deel om ’n beter lewe vir almal te verseker.

Om Jeugmaand te vier, het CARST in samewerking met die Nasionale Kernreguleerder op 15 en 16 Junie na Setlagole in Noordwes en Kuruman in die Noord-Kaap vertrek om met leerders oor die gebied van kernwetenskap te praat, ’n bewustheid oor kernveiligheid te skep en leerders aan te moedig om loopbane in hierdie bedryf te kies.