Rekenaars word al hoe noodsaakliker in die moderne samelewing, met ’n geweldige invloed oor hoe mense probleme skep en oplos. Die Noordwes-Universiteit (NWU) se Intelligente Stelsels-navorsingsgroep se missie is om volgendegeslagoplossings te ontwikkel wat sal help om vervoerprobleme met behulp van tegnologie op te los.
Hernubare energie vorm ʼn toenemend belangriker deel van ons land se energiepakket terwyl daar van fossielbrandstowwe wegbeweeg word. Dit, tesame met ʼn ingesteldheid om meer omgewingsvriendelik te word, beteken dat hernubare energie, soos son- en windkrag, gewis gaan aanhou om ʼn groter rol in kragopwekking te speel.
Daarom het die Noordwes-Universiteit (NWU) se Fakulteit Ingenieurswese ʼn vyf dae lange kortleerkursus van 3 tot 7 Oktober aangebied, wat deur die NWU se Eenheid vir Voortgesette Opleiding gefasiliteer is.
Soos met alle pogings om die samelewing te verbeter en om dit wat uiters waardevol is, te bewaar, begin dit met innovasie in hernubare energie, en die Sasol Sonkrag-uitdaging bevorder dit. Die sleutelwoord is “uitdaging”, en die Ingenieurswese-span van die Noordwes-Universiteit (NWU) het al keer op keer bewys dat hulle opgewasse is vir die taak.
Ons wêreld beweeg al hoe vinniger, en deur al die eeue van ons bestaan, kon ons nog nooit so vinnig soek, so ver reis of so diep delf nie. Ons het in die laaste eeu alleen ’n verbasingwekkende toename in die insameling van data gesien, en ons kan ongelooflike hoeveelhede inligting stoor om ons te help om bekende en onbekende probleme op te los. Die vermoë om hierdie geweldige hoeveelheid data optimaal te benut sal op ’n stadium buite ons bereik wees, maar nie buite die bereik van die instrumente wat ons gemaak het nie.
Die Besigheidskool van die Noordwes-Universiteit (NWU) het op Vrouedag vanjaar die voorreg gehad om begaafde en skrander jong leerders en studente te vereer wat die potensiaal toon om ’n beter toekoms vir ons almal te skep! Die finaliste en wenners van die Modiragatsi-innoveringskompetisie vir die jeug is tydens ’n ontbytgeleentheid by The Capital On The Park Hotel in Sandton vereer.
Dit was liefde met die eerste oogopslag. Seun ontmoet kampus. In 2019 besoek Franco van Dijk die Noordwes-Universiteit (NWU) se kampus in Potchefstroom as deel van ’n toer van sy skoolkoor.
“Ons het baie van die kampus te sien gekry – dit het amper soos ’n opedag gevoel. Ek het regtig baie gehou van wat ek sien en besluit dit was waarheen ek wou gaan,” sê Franco, wat aan die Ligbron Akademie van Tegnologie gematrikuleer het.
Franco, wat in Bethal, Mpumalanga gebore is, word in Mei 19 en is ingeskryf vir sy eerste jaar van ’n graad in Elektromeganiese Ingenieurswese.
Jacques Beukes van die MUST-diepleernavorsingsgroep by die Fakulteit Ingenieurswese is die 2021-wenner van ’n Noordwes-Universiteit (NWU) Visekanseliersmedalje vir sy verhandeling “Interpretability of deep neural networks for SYM-H prediction”. Agt visekanseliersmedaljes word jaarliks aan die beste meestersgraadstudente by die NWU toegeken. Jacques het die medalje vir Ingenieurswese ontvang.
Die woord “digitaal” handhaaf deesdae ’n sterk teenwoordigheid in feitlik elke sektor, saam met oproepe vir die heropleiding en verdere opleiding van die arbeidsmag ten opsigte van digitale geletterdheid en vaardighede sodat hulle in die toekomstige werksomgewing relevant kan bly. Die Covid-19-pandemie het klaarblyklik die tempo en dringendheid vir die verkryging van hierdie vaardighede versnel.
Die Aarde is in die moeilikheid. Ons is besig om onder wolke van koolstofdioksiedvrystellings te verstik as gevolg van die gebruik van steenkool en ander hulpbronne om energie op te wek, en dit doen die omgewing skade aan. Hierdie vrystellings is die primêre oorsaak van aardverwarming, en as die mens die ergste gevolge van aardverwarming* wil vermy, moet ons alternatiewe vir ons energiebehoeftes vind.
Die Noordwes-Universiteit se jaarlikse Modiragatsi-innoveringskompetisie wat aan hoërskoolleerders tussen die ouderdom van 15 en 18 jaar die geleentheid gee om die volgende geslag probleemoplossers te word, is terug, en dit is hierdie jaar nog groter en beter.
Die kompetisie se vernaamste fokus is steeds om hoërskoolmeisies te bemagtig, maar van hierdie jaar af word seuns ook toegelaat om in te skryf solank hulle deel van ’n span van twee is waarvan een van die deelnemers as vroulik identifiseer.