Atlete van die Noordwes-Universiteit (NWU) – voormalige sowel as huidige atlete – was op hulle allerbeste by Atletiek Suid-Afrika se senior baan- en veldkampioenskap wat onlangs in Groenpunt, Kaapstad gehou is.

Hulle het ’n totaal van sestien medaljes in ’n verskeidenheid kodes gewen.

Spiesgooiers Johann Grobler en Jo-Ané van Dyk het albei goud verwerf, en so ook die stappers Marissa Swanepoel en Wayne Snyman in die 20 km-stapwedloop. Valco van Wyk het die hoogste van almal gespring in die paalspring.

Eljoné Kruger het silwer gewen met verspring, Elroy Gelant het haar dit nagedoen in die 10 000 m, en so ook Marga Cumming in die hamergooi, Riëtte Heyns in diskus, Tamzin Thomas in die 200 m, Arend Pretorius in paalspring, Christopher Swart in die 1 500 m en Annette Koen in die 20 km-stapwedloop.

Laastens het Karmen Fouche brons in die verspring verower, en so ook Tamzin Thomas in die 200 m en Anette Koen in die 20 km-stapwedloop.

Hetsy hulle huidige studente of alumni is, die NWU is trots op elkeen van hulle.