’n Landswye inisiatief, die bevorderingsprogram vir onderrig by universiteite (Teaching Advancement at Universities (TAU) programme) se doel is om onderrig en leer in openbare hoër onderwys te verbeter.

Die program is ’n komponent van die nasionale raamwerk vir die bevordering van akademici as dosente by universiteite wat deur die Departement van Hoër Onderwys en Opleiding bedryf word. Dit word deur Hoër Onderwys se Onderrig en Leer-vereniging van Suider-Afrika (Higher Education Teaching and Learning Association of Southern Africa) gekoördineer.

Deelnemers word op grond van hulle leierskapspotensiaal in onderrig en leer by hulle onderskeie instellings uit al die Suid-Afrikaanse universiteite gekies, en word aan gekombineerde residensiële en afstandsleerbenaderings blootgestel. Die leerbenaderings sluit weeklikse blokkontaksessies en individuele projekte in, wat in hulle eie onderrig- en leer-opset gedoen word. Groepprojekte en besinnende verslae is ander aktiwiteite wat die program uitmaak.

Dr Nokwanda Bam, senior lektor by die Skool vir Verpleegkunde aan die Noordwes-Universiteit (NWU), en dr Viné Petzer, ’n dosent in en vakleier vir Ekonomiese en Bestuurswetenskappe vir Onderwys, is vir ’n 12-maande-tydperk by hierdie program aanvaar.

“Ek is verheug dat dr Viné Petzer en dr Nokwanda Bam hierdie erkenning ontvang het. Ek wens hulle alles van die beste toe vir die volgende stadium van hulle leierskapsontwikkeling deur middel van die geleentheid vir die TAU-genootskap,” het dr Robert Balfour, adjunk-visekanselier vir Onderrig en Leer, gesê.

“Ek is ongelooflik dankbaar,” het dr Nokwanda Bam met haar aanvaarding in die TAU-program gesê. Sy het bygevoeg: “Hierdie erkenning bevestig dat my harde werk ten opsigte van onderriguitnemendheid erkenning ontvang, en dit daag my verder uit om die werk wat ek insit om my onderrigvaardighede as universiteitsdosent te verbeter, te versterk. Om ’n TAU-genoot te wees, gaan ’n sentrale rol speel in die rigting waarin my loopbaan beweeg en stel my in staat om ’n betekenisvolle impak op die gebied van onderrig en leer by ’n universiteit te maak.”

Dr Viné Petzer het die erkenning met trots aanvaar. “Ek is so bly om hierdie nuwe reis te kan begin en ek sien daarna uit om my kundigheid met kollegas van ander universiteite regoor die land te deel. Dit is ’n groot eer om erkenning vir my bydraes en onderriguitnemendheid te ontvang.”

Meer oor die TAU-genootskapsprogram

Deelnemers word bekendgestel aan ontwikkelings wat met onderrig en leer in hoër onderwys verband hou. Hulle word ook blootgestel aan die navorsing oor vakkundigheid van onderrig en leer en word as agente van verandering geposisioneer.

Die deelnemers werk regoor die tydperk wat die program duur aan opvoedkundige projekte te werk waar hulle die geleentheid ontvang om vennootskappe met kollegas van ander instellings te smee. Die lede word met die nodige vaardighede en kennis toegerus om veranderingsprosesse te lei wat met onderrig en leer by hulle eie tuisinstellings verband hou.

Die doel van die program is om ’n betrokke en responsiewe begrip van onderrig en leer te kweek. Dit is om die kritieke en fundamentele begrip van die Suid-Afrikaanse hoëronderwyskonteks binne die Afrika- en wêreldwye opset te bevorder.

Ons vertrou dat die onderskeie fakulteite – die Fakulteit Opvoedkunde en die Fakulteit Gesondheidswetenskappe – vir dr Viné Petzer en dr Nokwanda Bam in hulle werk by die genootskapsprogram sal ondersteun.

Dr Nokwanda Bam het gesê sy sien daarna uit om met enersdenkende onderwysers te gesels en haar professionele netwerk uit te brei en innoverende pedagogiese benaderings te ondersoek.

Dr Viné Petzer was geëerd om die NWU by die TAU-program te verteenwoordig. Haar uitmuntende bydrae tot die onderrigdissipline het tot gevolg gehad dat sy in 2023 ’n NWU Teaching Excellence-toekenning ontvang het.