Daar word geskat dat 10 miljoen klein stukkies plastiek op die grasperk voor die Noordwes-Universiteit (NWU) se Fakulteit Regte in Potchefstroom lê, en die grond op die Fanie du Toit Sportterrein het ook hoë vlakke van plastiekbesoedeling. Dit plaas ’n demper op die vierings wat dikwels in hierdie ruimtes gehou word, en waar glinsterstofklappers en vuurwerke ’n blywende nalatenskap agterlaat – ongelukkig nie ’n goeie een nie. 

Pluimveemis kan boerderypraktyke in Suid-Afrika omkeer, veral vir bestaansboere in landelike gebiede. Dit is een van die navorsingsbevindings van Mandisa Mazibuko, ’n navorser van die Fakulteit Natuur- en Landbouwetenskappe.  

Haar navorsing ondersoek die effek van pluimveemis op geselekteerde mieliekultivars en grondminerale met ’n fokus om volhoubare landbou te bevorder.

Graad 12-leerders is op die drumpel van volwassenheid en moet besluite vir hulle toekomstige loopbane en leefstyle neem. Die las van hierdie besluite en verwagtings van ouers, onderwysers en die samelewing kan oorweldigend wees.

Te midde van hulle stres en bekommernisse, kan hulle op mentors soos prof Fazel Freeks, medeprofessor en koördineerder vir gemeenskapsbetrokkenheid by die Fakulteit Teologie van die Noordwes-Universiteit (NWU) staatmaak.

“Hoewel die meeste ontleders glo dat die rentekoerse in Suid-Afrika nou hulle hoogtepunt bereik het – indien daar nie groot skokke op ons wag nie – beskou die Monetêrebeleidskomitee (MBK) van die Suid-Afrikaanse Reserwebank om verstaanbare redes steeds die inflasierisiko’s as hoog.”

In sy kommentaar op die besluit van die MBK op 27 Maart om rentekoerse weer eens onveranderd te laat, sê prof Raymond Parsons, ekonoom by die Noordwes-Universiteit (NWU) Besigheidskool, dat dit algemeen te wagte was dat rentekoerse onveranderd gelaat sou word.

Banke verskaf finansieringsopsies vir verskillende projekte en inisiatiewe, en die Noordwes-Universiteit (NWU) kan in vennootskap met ABSA Bank Beperk die proses van die hantering van finansieringsake vir personeel en studente bevorder.

’n Kundige span dokters en verpleegkundiges is nodig om doeltreffende behandeling te verseker vir pasiënte wat kritiek siek is. ’n Noodsaaklike toevoeging tot hierdie span is die dieetkundige, aangesien studies getoon het dat sonder die leiding van voedingskundiges, talle pasiënte aan wanvoeding ly terwyl hulle in die hospitaal versorg word.

Die Dieetkundeprogram in die Skool vir Toegepaste Gesondheidswetenskappe aan die Noordwes-Universiteit (NWU) het baie jare se ervaring in die opleiding van kwaliteit-dieetkundiges in Suid-Afrika.

Die Navorsingsondersteuningskantoor by die Noordwes-Universiteit (NWU) is een van slegs tien navorsingsondersteuningskantore in die Suider-Afrikaanse Ontwikkelingsgemeenskap (SAOG) wat ’n toekenning gekry het en gekies is om deel te neem aan die projek wat deur Bill en Melinda Gates-stigting befonds word.

Dit vorm deel van die inisiatief van die Suider-Afrikaanse Navorsing en Innovasiebestuursvereniging (SARIMA).

Twee rondtes en twee oortuigende oorwinnings. Die Noordwes-Universiteit (NWU) Eagles het vir hulle tuisskare genoeg gegee om oor te juig toe hulle die Universiteit van Wes-Kaapland (UWK) in hulle Varsitybeker-wedstryd met 49–15 gewen het.

’n Pers golf van ses drieë het oor die besoekers gespoel en die gety was heeltemal in die Eagles se guns. Wat waar is – dalk met hartseer – is dat ’n aantal geleenthede vir die tuisspan verbrou is. Die Eagles moes ’n groter oorwinning behaal het, en hulle sal die eerstes wees om dit te erken.

Wat geldsake betref het millenniërs – ook Generasie Y’s* genoem – gemengde gevoelens. Aan die een kant het hulle ’n positiewe uitkyk op persoonlike finansiële beplanning. Aan die ander kant is hulle meer geneig om na willekeur te spandeer, wat lei tot oorbesteding en probleme om doeltreffend te begroot.

Om tot hierdie dilemma by te dra, verkies millenniërs onmiddellike bevrediging eerder as langtermyn- finansiële doelwitte, soos om vir hulle aftrede te spaar of ’n noodfonds op te bou. Hulle kan ook minder geneig wees om advies of leiding by finansiële kundiges te vra.

Ten spyte daarvan dat inheemse voedsels ryk aan voedingstowwe en droogtebestand is, word hulle dikwels misken in strategieë vir voedselsekerheid. Modjadji Mandy Rasehlomi, ʼn student by die Noordwes-Universiteit (NWU), wil dit verander.

Modjadji, ’n meestersgraadstudent in Inheemse Kennisstelsels, het na die onbenutte potensiaal van inheemse voedsels gaan kyk ten einde aan die Verenigde Nasies se Volhoubare Ontwikkelingsdoelwitte (SDG’s) van Geen Armoede (SDG 1) en Geen Honger (SDG 2) te voldoen.